Некогаш сите го обожаваа, но денес е сенка на маж. Секогаш кога ќе го видиме, тој изгледа се полошо и полошо, а неговата тешка борба со зависностите одамна стана преголема за да се сокрие.
Актерот Метју Пери, омилениот Чендлер од хит серијата „Пријатели“, ретко се појавува во јавноста, а кога папараците ќе успеат да го фотографираат, тие фотографии само уште повеќе ги растажуваат неговите фанови.
Кога се случи долгоочекуваното обединување на тимот на „Пријатели“, фановите најмногу коментираа токму за него. На неодамнешните фотографии може да се забележи дека актерот е многу физички запоставен и дека изгледа не му е баш добро.
Matthew Perry seen for first time in months following memoir release https://t.co/XG8jOkwx58 pic.twitter.com/mZH2eILH6w
— Page Six (@PageSix) February 11, 2023
За тоа сведочат последните фотографии направени пред неговата куќа во Лос Анџелес кога актерот излегол да прифати испорака на мебел. Метју изгледа многу уморно, со големи темни кругови околу очите и опуштена кожа на лицето. Дека не се грижи премногу за тоа како изгледа, доказ е неговото неизбричено лице и неизмиената коса на која и е потребна и добра фризура.
Актерот престана да крие дека води тешка битка со зависноста од алкохол и дрога. Неговиот пад започна со зависност од лекот Викодин, кој го користеше за ублажување на болката по несреќата на џет ски. Брзо станал толку зависен од таблетите што не можел да помине ниту еден ден без нив. Почнал да зема и метадон и амфетамини. Потоа почнала неговата зависност од алкохол, па неколку пати одел на рехабилитација и секој пат тоа било неуспешно.
Своевремено призна дека на некои денови на снимањето на серијата „Пријатели“ која го прослави, воопшто не се сеќава.
„Не се сеќавам барем на три години од снимањето. Некаде помеѓу третата и шестата сезона“, призна актерот.
Тој повторно стана фокус на јавниот интерес кога се случи долгоочекуваното обединување на актерите од многу саканата серија, а кога го видоа, самата негова глетка ги скрши срцата на обожавателите.
Потоа призна дека бил под притисок и нервозен затоа што се плашел дека публиката не го смета за смешен на средбата со неговите колеги.
„Се чувствував како да ќе умрам ако не се смеат“, рече тој.
