Познатиот српски фотограф Душан Петровиќ преку својот профил на Инстаграм објави дека неговиот лет од Дубаи до Белград е откажан поради актуелните напади на Блискиот Исток.
Петровиќ неодамна се пресели во Дубаи со својата девојка, а сега се огласи и откри каква е актуелната ситуација во Обединетите Арапски Емирати во текот на ескалацијата на конфликтот на Блискиот Исток.
„Ние имавме закажан лет за вчера и тоа не од каква било причина, туку поради однапред договорени кампањи во Србија. Поради целата ситуација, нашиот лет прво беше откажан, а потоа проверен за друг датум, па затоа сме тука до понатамошно известување. Му се молиме на Бога сè да остане мирно и целата ситуација да заврши што е можно побрзо. Ве сакам народе и ви благодарам уште еднаш за огромниот број пораки и грижата што ја покажувате“, напишал Душан Петровиќ.
По повод нападот во Дубаи се огласи и инфлуенсерката Ања Дамњановиќ, како и Луна Ѓогани, која со својот сопруг е заробена на Малдивите и бара начин да се врати во Србија.
