Кралицата на хрватските модни писти, Александра Грдиќ, сними моден едиторијал по 10 години и го најави своето враќање во голем стил.
По неодамнешното учество на модна ревија што се одржа во рамките на Конференцијата на жени Ромки, Александра блесна во моден едиторијал за новата колекција на брендот „Look Famous“, зад кој стојат дизајнерката Феми Салихи и модната дизајнерка Албина Салихи.
Гламурозниот изглед на Александра е совршено нагласен низ објективот на талентираната фотографка Миа Држај.
View this post on Instagram
Александра и денес изгледа исто толку шармантно како и во својот најславен период, а судејќи според најновите фотографии, може да се заклучи дека на модната сцена навистина ѝ недостигаше.
Да потсетиме, Грдиќ некогаш беше една од најпознатите хрватски манекенки, а во 2003 година беше крунисана за Мис Хрватска. Во деновите на најголема слава, таа позираше за бројни насловни страници на списанија, меѓу кои и „Плејбој“, учествуваше во разни реалити шоуа и имаше своја емисија на Нова ТВ наречена „Апсолутно Алекс“.
Меѓу другото, медиумските рубрики ги полнеше и со својот бурен приватен живот.
View this post on Instagram
Сепак, откако за краток период го загуби таткото и членовите на нејзиното најблиско семејство, таа направи целосен пресврт во својот живот. Денес, таа живее повлечен и мирен живот во Вировитица со сопругот Мако Шијаковиќ и нивните три деца, во куќата што ја наследила од нејзините баба и дедо.
