Татјана Лазаревска и Новица Василевски си заминаа од Австралија и рекоа дека за нив 2026 година ќе започне во нова земја.
Фолк-двојката е сликана на аеродром во Мелбурн, и најави дека патуваат за Детроид, САД. Фолк-пејачите таму ќе ја поминат Новата година.
По 10 и пол години живот во Австралија и по речиси две години пауза, фолк-пејачката Татјана Лазаревска во јули се врати дома, во Македонија. Но, тогаш не дојде со комплетното семејство, туку само со едниот син, Петар.
Објавувајќи слики од скопскиот аеродром тогаш Лазаревска напиша дека дома си дошла едната половина од семејството Василевски. Потоа, Татјана објави убава вест од аеродромот и едно среќно видео, како нејзиниот сопруг Новица и синот Стефан пристигнуваат во Скопје.
Во 2020 година, пред пандемијата, Татјана заедно со сопругот беше ангажирана околу уредувањето на нивната нова куќа, во Мелбурн. По пет години откако се преселија во Австралија, Татјана и Новица со синовите рекоа дека се среќни што живеат во сопствен дом.
