Андријана Јаневска емотивно раскажа ретка приказна за Тоше Проески, за една посебна ноќ пред 26 години.
Пејачката и виолинистка гостуваше во подкастот „Равенка за успех“ кој го води Маја Поцевска и се присети на една случка, па ја раскажа нејзината историја со Тоше.
-Тоа беше 1999 година. Меѓутоа, ние немаме официјално снимено песна со Тоше, туку само бев гостин на неговито прв солистички концерт на Кале, каде што врнеше цела вечер, меѓутоа навистина беше прекрасно. Незаборавно.
Навистина Тоше беше… Прво ми беше другар, заради тоа што и тој учеше во музичкото училиште во Битола, јас учев во Скопје. Помеѓу училишните обврски, знаеше доста често да дојде во Скопје, го снимаше првиот албум, јас му ги пеев придружните вокали, и многу често се дружевме и бевме заедно- се присети Андријана на својот пријател.
