Коки Јанков објави необична слика од него како носи количка со малтер. Во вакво издание, музичарот досега не сме го виделе.
Тој на сликата е со ракавици и е широко насмеан, а до неа напиша: „Од темели до кров. Клуч на рака“.
Инаку, по три децении од култната „Виолина и гитара“, Никола Јанков – Коки повторно застана на сцената на „Макфест“, предизвикувајќи бурни емоции и аплауз што не престануваше. Еден од најпрепознатливите гласови на естрадата успешно ја спојува сцената со професорската катедра, работејќи со младите музичари во Штип и подготвувајќи нов двоен албум и концерт по повод 30 години од легендарниот хит.
Тој сега живее во Штип со својата ќерка Лара која учи во средното медицинско училиште.
-Сакав да направам комбинација или компромис во музиката, немаше да можам. Но, ете, преку недела сум со колегите од ДМУЦ „Сергеј Михајлов“ – Штип (средно и основно музичко училиште) и со децата. Во викендите сум низ Македонија. Давам сè што знам од себе и сè што сум научил по патот на животот, бидејќи тоа се наши деца. А ги има сè помалку-изјави виолинистот за „Слободен печат“.
