Канадскиот пејач Џастин Бибер беше последниот во низата светски ѕвезди кои настапуваа за синот на најбогатиот човек во Индија, Мукеш Амбани, на забавите во чест на неговата претстојна венчавка.
View this post on Instagram
Бибер викендов настапи во Мумбаи пред Анант Амбани, неговата свршеница Радика Мерчант и нивните многубројни гости.
На првата предсвадбена забава пак, настапи Ријана, а на втората на крстарење по Медитеранот настапија Бекстрит Бојс, американската пејачка Кети Пери и италијанскиот тенор Андреа Бочели.
Сега, луѓето ширум светот кои ги следеа овие настани со задушен здив чекаат вести за тоа кој ќе настапи на самата венчавка овој викенд.
Се шпекулира дека тоа би можела да биде Адел, но семејството се уште молчи.
View this post on Instagram
Не се штедат пари за свадбата на најмладиот син на индискиот милијардер Мукеш Амбани, чие богатство „Форбс“ го проценува на повеќе од 120 милијарди долари – во обем ги надминува не само најекстравагантните индиски свадби, туку и свадбата на сопствената ќерка на Амбани, на која настапи Бијонсе.
Минатиот викенд, невестата и младоженецот одржаа традиционална предсвадбена церемонија со музика и играње.
View this post on Instagram
Мукеш Амбани заедно со другите членови на семејството излегоа на сцената и танцуваа на хитот „Дееванги“ од боливудската ѕвезда Шах Рук Кан од филмот „Кога еден живот не е доволен“.
View this post on Instagram
