Бројни членови на британското кралско семејство се собраа на велигденската миса во капелата Св. Џорџ. Кралицата Елизабета Втора ја пропушти мисата што традиционално се одржува во оваа капела изградена околу замокот Виндзор.
Очекувано, најголемо внимание кај насобраните претставници на медиумите предизвика појавата на војвотката и војводата од Кембриџ и нивните деца, принцот Џорџ и принцезата Шарлот. Исто како и неговиот татко, 8-годишниот Џорџ носеше костум со вратоврска и изгледаше како вистински мал господин.
View this post on Instagram
Не само што Вилијам и Џорџ се поклопија во модата – и женските сили на нивното мало семејство го направија истото. Имено, и Кејт и 6-годишната Шарлот носеа сини фустани.
Кејт избра светло сина палто-фустан од дизајнерката Емилија Викстед, кој веќе го носеше во 2017 година за време на официјалната посета на Луксембург. Фустанот го искомбинира со сини кожни салонки од брусена кожа со потпис на брендот „Еми Лондон“ и чанта со истиот потпис.
Сино фустанче носеше и малата Шарлот, но тоа беше модел со цветен дезен.
View this post on Instagram
