Манекенката Кајли Џенер и американско-францускиот актер Тимоти Шаламе се „уловени“ како се бакнуваат на тениски меч, на финалето на УС Опен на кое – потсетуваме- победата ја понесе Новак Ѓоковиќ.
Манекенката и ѕвездата на реалното шоу „Семејството Кардашијан“, Кајли Џенер, и актерот Тимоти Шаламе присуствуваа на финалниот натпревар на УС Опен. Фотографиите од парот ги објави Дејли Мејл.
Kylie Jenner and Timothée Chalamet at Us Open. pic.twitter.com/Dy7rncvEUL
— @21metgala (@21metgala) September 10, 2023
25-годишната Кајли Џенер и 27-годишниот Тимоти Шаламе не ги криеја чувствата еден кон друг: се прегрнуваа јавно и се бакнуваа.
Ѕвездата на реалити шоуто носеше тесна црна маичка и сини фармерки, додека актерот носеше сива маица, фармерки и црн дуксер со качулка.
Kylie Jenner and Timothée Chalamet at the US Open.
— Pop Base (@PopBase) September 10, 2023
Романсата на Кајли Џенер и Тимоти Шаламе првпат излезе на виделина откако таблоидот DeuxMoi објави фотографии од парот како разменуваат нежности по ревијата на Жан Пол Готје во Париз. Извори за таблоидот тогаш тврдеа дека Тимоти и Кајли заедно ја дочекале Новата година во Аспен и потоа отишле на одмор на островите Туркс и Кајкос.
На почетокот на летото, таблоидите ги објавија првите заеднички фотографии на парот, направени за време на пикник во куќата на актерот во Лос Анџелес.
На почетокот на август се појавија гласини за разделба на ѕвездената двојка: инсајдер објави дека Шаламе ја оставил Кајли Џенер, и дека привремено само ја користел како „промотивна девојка“ за неговиот нов филм Вили Вонка. Изворот исто така тврдеше дека Џенер минува низ болен период по раскинувањето со актерот. Сепак, веќе следниот ден овие гласини беа негирани од други, различни извори.
А, сега, и официјално е – тие не ја кријат повеќе нивната врска и очигледно многу се вљубени.
