Дарко Гелев- Брејк ретко снима песни, но во последно време наоѓа простор и за музиката и покрај бизнисот кој го води, радио станиците чиј сопственик е.
Тој е женет со Драгана Клопчевска, поранешна Мис на Македонија. Дарко е прв братучед на нејзин школски другар и одамна се познавале. После многу години се виделе повторно, почнале да излегуваат на кафе и со тек на времето сфатиле дека се создадени еден за друг.
Двојката ги има синот Давид и ќерката Деа, а Брејк е татко и на Марко кој е веќе возрасен.
Брејк минатата година ја сними баладата „Оваа песна не знаев да ја напишам“. Интересно е што песната има тројца автори на текстот: Никола Перевски-Пере од „Нокаут“, Гелев и Игор Џамбазов. Перевски е автор на музиката и на аранжманот .
На една Фејсбук страница се појави слика од Брејк кога бил доста помлад. Сликата е црно- бела и е од времето на групата „Октавијан“ во која тој беше дел од членовите. На сликата со него се Јован Бицевски и Дарко Тасев.
