Српскиот фолк пејач Дарко Лазиќ неодамна се нашол во центарот на скандал на една приватна прослава во Виена, дознава српски „Курир“.
Настапот на Лазиќ бил прекинат кога неколку зелени луѓе влегле во салата каде што се одржувала влашка прослава. Во таа прилика, неколку мажи насилно го извеле Лазиќ на половина од неговиот настап, пред очите на шокираните гости.
„Ова беше една од најголемите влашки прослави во Виена. Пееја неколку пејачи, а главна ѕвезда беше Дарко Лазиќ. Сопственикот му плати однапред и за четири часа пеење, пејачот зеде 14.000 евра. Сè беше во најдобар ред до половина од неговиот настап, кога одеднаш во салата упаднаа некои мажи. Подоцна дознавме дека станува збор за лихвари од кои Дарко позајмувал пари со камата, а не ги вратил навреме. Кога ги виде, Лазиќ побледе и буквално се замрзна. Му го грабнаа микрофонот од рацете и му рекоа веднаш да појде со нив. Пејачот ги послуша и тргна со нив без да каже ниту збор, оставајќи ги сите во салата во шок“, рекол изворот на „Курир“ и продолжил:
„Го ставија Дарко во кола и го однесоа некаде. Подоцна дознавме дека го однеле во еден клуб во Виена да пее и дека веднаш му ги зеле парите од оваа прослава, што тој не сакал да им ги пријави. Ова не беше единствената мака за Лазиќ, бидејќи проблемот се појави кога, по неколку дена, овие Власи итно барале од Дарко да им ги врати парите што ги зел однапред. Тој подоцна им се јавил да им се извинува и ветил дека ќе им пее бесплатно на следната забава што ќе ја прават, но дека нема да им ги врати парите бидејќи сите морал да ги даде за да ги врати долговите. Така некако го решиле тој проблем“.
