Ирена Спировска на Фејсбук објави слики со сосема нов имиџ, а сликана е во Охрид. На сликите со неа е стилистката Мери, која направила одлична промена кај нашата позната водителка.
Кај Ирена на сликите ја има кадравата коса по која е препознатлива, но е фенирана поинаку, а и шминката е уникатна, па така на сликите е речиси непрепознатлива.
„Благодарам за преубавиот мејкап стајлинг за Охрид фест 2025“, напишала водителката до сликите. Ирена има интересна животна приказна, а дел од неа, раскажа во една прилика за „Слободен печат“.
„Јас завршив средно медицинско училиште, отсек забни техничари, и токму еден од професорите чија сопруга беше просветен работник, во една пригода ни обрна внимание на тоа колку изборот на професијата влијае врз начинот на кој ќе го живееме животот.
Тој беше убеден дека неговата сопруга има една од најубавите професии што може да ги работи една жена, а тоа е учителка. Тоа ме поттикна да размислувам кои професии би сакала да ги работам.
Иако се одлучив да студирам книжевност и македонски јазик со желба да бидам просветен работник, сепак, станав ТВ-водител, што значи дека понекогаш професијата нè избира нас, а не ние неа“.
