Раперот Слаткаристика на дело докажа и покажа дека е добар и хуман човек. Тој, за да ѝ помогне на фабриката за слатки која изгоре од Виница, отиде во еден маркет, и ги купи сите можни слатки од таа фабрика.
„Дај ми се што имаш“, му рече Слаткар на вработениот од маркетот. Вработените од маркетот му ги спакуваа производите во пакети, а тој им рече дека сега треба да се направи нова нарачка.
Најмалку 400 работници од фабриката за кондиторски производи остануваат на улица, откако до темел изгоре производствениот погон, магацините полни со роба и административниот дел од фабриката,.
„Животот понекогаш ни сервира горчливи мигови. Но токму тогаш треба да се потсетиме на слатките моменти што ни го исполнуваат срцето!“, напиша Слаткар.
Многумина го споделија ова видео, и му честитаа за хуманоста и за досетливоста.
