Пејачот Драган Темелков, во јавноста попознат како Џони, има преубав повод за славење во кругот на семејството. Тој и неговата сопруга Теодора го одбележаа традиционалниот христијански обичај – 40 дена од раѓањето на нивниот син Милан.
За овој посебен и емотивен чин, семејството ја посети цркватa „Св. Петка“ во Скопје, каде што беше сочуван обичајот за воведување на новороденчето во храмот.
Џони ја сподели својата неизмерна среќа со пријателите и обожавателите на социјалните мрежи, објавувајќи фотографии од пред храмот, каде што позира со сопругата и со нивното најголемо богатство во транспортер. Покрај преубавите семејни фотографии, пејачот упати и емотивна порака која допре до многумина:
„40 дена љубов, радост и најубави емоции. Денес со молитва му благодариме на Бога за нашиот најголем дар Милан. Нека биде жив, здрав, среќен и благословен.“
Под објавата има доста честитки, благослови и убави желби од нивните колеги од естрадата и пријателите, кои му посакаа на малиот Милан безгрижно детство.
