Александар Тарабунов е еден од нашите најпознати пејачи во поп музиката, а работи и во хорот на Националната опера и балет. Тој е син на познатиот пејач на народна музика, Ванчо Тарабунов и е во среќна врска со Калина.
Тарабунов ќе одржи концерт во Скопје на 10 декември и вели дека концертот ќе биде остварување на неговата животна желба. Тој изјави дека од неговите почетоци во 2009 имал желба за поголем концерт и драго му е што наскоро ќе си ја исполни желбата.
Минатата година, тој за роденденот на својата сакана која сѐ повеќе ја покажува во јавноста напиша:: „Среќен роденден, моја Калина Поленак“. За неговиот роденден во 2023 година, тој беше на романтично патување во Рим со неговата девојка, каде ја изненади со десерт среде ресторан.
Тарабунов и неговата сакана споделија слики од нивниот заеднички одмор, и се се гледа дека заминале на егзотично место, но не ја открија локацијата.
Изгледа дека пејачот и неговата избранична славеле годишнина на одморот, зашто тој до сликите од романтичната вечера со убаво вино, напиша кусо: специјална година.
