Популарниот глумец, веројатно најпопуларен во светот по судењето со поранешната сопруга Амбер Херд, се сретна и подружи со своите фанови пред концертот во Офенбах, Хесен, Германија. Премногу гужва и обожаватели на Деп, за град кој брои 117.559 жители.
View this post on Instagram
Џони Деп најде моменти надвор од својот „кнап“ распоред за да ги поздрави фановите кои го чекаа неговото пристигнување во градот пред концертниот настап со Џеф Бек во Германија во четврток попладне.
Стоејќи пред „Штадтале Офенбах“ во покраината Хесен, актерот (59) со широка насмевка се поздрави со обожавателите и се фотографираше со нив, се шегуваше, делеше автограми…
За дневното излегување, ѕвездата на Пиратите од Карибите носеше сива маичка со карирана кошула и лесна сива јакна. Деп го дополни својот моден изглед со пар очила за сонце со трендовски сини стакла.
View this post on Instagram
Ѕвездата подоцна настапи на сцената со Бек (78), со кого е на турнеја низ Европа во последните неколку недели.
Минатиот месец Деп и Бек го најавија нивниот претстоен албум насловен 18, кој треба да излезе на 15 јули.
Дуото објави и официјално музичко видео за нивниот прв сингл од новиот албум, „Ова е песна за госпоѓицата Хеди Ламар“. Деп претходно го најави објавувањето на песната на Инстаграм.
„Извонредна чест е да свирам и пишувам музика со Џеф, еден од вистинските великани и некој што сега сум доволно привилегиран да го наречам брат“, рече актерот.
„Со векови немам друг креативен партнер како него“, додаде Бек за Деп. „Тој беше моторната сила на овој албум“. Британскиот музичар се пошегува: „Само се надевам дека луѓето ќе го сфатат сериозно како музичар бидејќи на некои им е тешко да прифатат дека Џони Деп може да пее рокенрол“.
View this post on Instagram
