На српскиот рапер Десингерица му се слошило по настапот што го имал во Будва, по што бил пренесен во итна медицинска помош.
Контроверзниот музичар, чие вистинско име е Драгомир Деспиќ, во изминатиот период престојува на црногорското приморје поради серија закажани настапи. Ноќта по еден од настапите, неговата состојба се влошила, па медицинските лица морале да интервенираат.
Тој бил однесен во итна помош, каде што персоналот веднаш реагирал и му била укажана медицинска грижа.
Набрзо на социјалните мрежи се појави фотографија од раперот како лежи во болнички кревет и прима инфузија. Сликата ја објавил негов близок пријател, кој напишал: „Се враќаме на старото“.
Десингерица неодамна повторно се најде во центарот на вниманието, откако бил приведен бидејќи кај себе немал документи.
