Српската пејачка Едита Арадиновиќ пред неколку дена стана мајка, а сега со својата новородена ќерка Зоија пристигна дома од породилиштето.
Едита, која доби дете со поранешниот партнер Ненад Стевиќ, првпат се оствари во улогата на мајка, а радосната вест ја сподели со своите следбеници на социјалните мрежи.
Според објавите, пејачката и бебето веќе се дома, каде што ги пречекало семејството. Нејзината сестра Инди, со голема радост, објави фотографија на која ја држи малата Зоија во раце.
„Животот на тета“, напиша Инди покрај фотографијата.
Подоцна сподели уште една порака во која не ја криеше среќата поради новиот член во семејството.
„Луѓе, срцето ќе ми пукне од толку љубов и среќа. Нејзиното присуство… Не може да се опише“, напиша таа.
Едита Арадиновиќ се породи во породилиштето „Народен фронт“ со царски рез. Претходно откри дека многу сакала породувањето да биде природно и дека се подготвувала за тоа, но бебето пристигнало порано од предвидениот термин.
„Многу сакав да се породам природно, се подготвував за тоа. Дури и порано се случи, бидејќи терминот беше 3 август… Сè беше како на филм, ми пукна воденикот“, раскажа новопечената мајка.
