Бурек, повод за многу дискусии кога станува збор овој популарен балкански појадок. Сепак, сите дебати престануваат уште на првиот залак, па многу негови обожаватели се согласни во едно, со што и да е полнет, бурекот е незаменлив.
Во последните неколку години сме сведоци на многу варијации на темата, па овој деликатес можете да го пронајдете во бројни солени па дури и слатки варијанти.
View this post on Instagram
Досетливите пекари секогаш успеваат да ја „заскокоткаат“ фантазијата и на менито да понудат бурек со сè и сешто, така што, покрај класичниот бурек со сирење и месо, денес имаме и бурек со компири, бурек со зелка, пица-бурек, но и со разни слатки филови како лешник или ванила крем.
И покрај богатиот избор дали би поверувале дека сега можете да пробате и бурек со плескавица? Жителите на Бор, Србија и самите се увериле во такво нешто, а потоа и многубројните корисници на социјалната мрежа „Твитер“.
Еден креативен пекар од ова место ги споил двата најомилени балкански деликатеси и создал бурек со плескавица односно „хамбурек„, како што е популарно наречен.
„Хамбурекот“ предизвикал бројни реакции меѓу „гурманите„, па многумина ја поздравиле идејата и посакале што поскоро да го пробаат, додека други сметаат дека е претерано во оваа комбинација на вкусови. Има и такви кои предложиле и нова комбинација, па сметаат дека треба да се направи и бурек со сарма.
