Американската глумица Блејк Лајвли, која наскоро ќе стане мајка по четврти пат, на социјалните мрежи објави нови фотографии од семејната архива на кои јасно се гледа нејзиниот заоблен стомак.
View this post on Instagram
Според актерката, таа го направила тоа за папараците да престанат да „стражарат“ пред нејзината куќа.
„Еве фотографии од мене бремена во реалниот живот – за да ме остават на мира тие единаесет момци кои дежураат во близина на мојата куќа. Ме плашат и мене и моите деца“, објаснува во објавата.
Новата бременост на Блејк стана позната пред некој ден. Актерката ја „најави“ појавувајќи се на самитот на Форбс во златен мини фустан кој ја истакна нејзината фигура.
View this post on Instagram
Блејк Лајвли е во брак со глумецот Рајан Рејнолдс од 2012 година. Двојката веќе има три ќерки: седумгодишната Џејмс, петгодишната Инес и двегодишната Бети. Извор близок на парот изјавил за US Weekly дека овој пат се надеваат на раѓање на момче, но во секој случај ќе им биде драго да го надополнат семејството и со девојче.
