По победата во финалето на „Ѕвездите на Гранд“ и по завршувањето на обврските во српската престолнина, Бојан Илиевски се врати во својот роден град.
Во Скопје со нетрпение го очекуваа неговите најблиски, семејството и пријателите кои сакаа да ја споделат радоста од големата победа.
– Со мене во Белград беше мојот клавијатурист Симеон Митревски со кого долго работам. Веќе сите знаат дека се жалев дека многу рчи, па морав да се преместам во друга соба за да се наспијам пред натпреварувањето – низ смеа раскажа Бојан за Grand.nova.rs.
Бојан откри како ја прославив победата.
– Првиот пријател што го видов беше Димче, менаџер кој работи со Јоце Панов. Отидовме на сладолед, така што победата ја прославив со сладолед.
Следниот ден, славењето продолжило во поширок круг.
– Следниот ден Јоце, Димче и јас отидовме на ручек. А кога отидов кај мојот фризер, сретнав еден од нашите најдобри фудбалери. Елиф Елмас живее во Скопје, а се знаеме долго бидејќи живеевме во исто маало, тој имаше куќа блиску до мене. И тој ја започна својата кариера по мали клубови, а сега е во Наполи, игра како лев бек. Елиф ме препозна, ми пријде, ме прегрна и ми рече дека е многу среќен за мене.
View this post on Instagram
Тој и пред средбата на паркингот му честитал преку порака на Инстаграм.
– Многу ми е драго за тебе, по толку труд сега си на вистинското место во твојот живот. Сега во животот ќе ти се отворат уште повеќе врати и ќе бидеш уште поуспешен. Те сака твојот брат. Чувај се и пеј засекогаш – гласела неговата порака, која Бојан им ја прочитал на новинарите на Grand.nova.rs, а таа е само една во низата честитки што ги добил тие денови.
Бојан го спомена и неговиот миленик кој бил дел од целата еуфорија.
– Мојот пес Арон ме дочека со посебно воодушевување, скокаше врз мене, седнав во дворот, тој дојде и цело време ме лижеше по рацете, по вратот, буквално сакаше да ме прегрне. Тоа е дополнително интересно бидејќи станува збор за дресиран пес кој инаку не е галеник – раскажал тој.
View this post on Instagram
