Македонската инфлуенсерка и водителка Ана Стојанова деновиве ужива во летен одмор во Турција, а дел од атмосферата сподели и со своите следбеници на социјалните мрежи.
Заедно со сопругот Кирил, таа престојува во Аланија, каде што деновите ги минува во популарниот „Sundaze Beach Club“, уживајќи во сонцето, морето и опуштената атмосфера покрај базен.
На фотографиите што ги објави, Ана позира во впечатливо зелено-жолто бикини, додека во преден план се романтичните моменти што ги споделува со својот животен сопатник.
Парот важи за еден од поскладните на домашната јавна сцена. Нивната љубовна приказна доби филмска димензија во ноември 2021 година, кога Кирил ја запроси Ана на покривот на Градскиот трговски центар во Скопје. Само неколку месеци подоцна, на 2 јули 2022 година, тие го кажаа судбоносното „да“ на свадбена церемонија во Охрид, организирана во вила со базен и прекрасен поглед кон Охридското Езеро.
Оттогаш, Кирил е нејзина голема поддршка и во приватниот и во професионалниот живот. Тој беше покрај неа и за време на нејзините патувања и снимања во Бразил, а сега двајцата повторно користат слободен момент за заедничка авантура.
