Ќерката на српската пејачка Гоца Тржан, Лена Маринковиќ, успешно го заврши гимназиското образование, а по повод матурската вечер сподели фотографии кои привлекоа големо внимание на социјалните мрежи.
За оваа посебна пригода, Лена избра впечатлив фустан со цветен дезен, кој го истакна нејзиниот младешки и свечен изглед. Креацијата беше пократка во предниот дел, додека одзади се спушташе во долг вел.
Фотографиите од матурската вечер прикажуваат убави и емотивни моменти од прославата на крајот на едно важно животно поглавје. На матурата ја придружувал нејзиното момче, фудбалерот Вукашин Јовановиќ.
Меѓу првите што се огласија беше и гордата мајка Гоца Тржан, која под објавата кратко напиша: „Мајкино“, придружувајќи ја пораката со емотикони со срца.
Пејачката и претходно зборувала за односот со својата ќерка и за предизвиците со кои се соочувала додека ја градела кариерата и истовремено се посветувала на мајчинството.
„Ја водев секаде со мене. Додека имав настапи и промоции, таа беше покрај мене. Секогаш наоѓав начин да бидам и мајка и да работам“, раскажала Гоца во едно интервју.
Таа открила и дека многу брзо по породувањето се вратила на работа, но успеала да пронајде баланс помеѓу професионалните обврски и грижата за ќерката. Лена често патувала со неа на турнеи и настапи, па уште од мала се навикнала на динамичен начин на живот.
