Повод 35-годишнината од смртта на легендарниот боем и пејач Тома Здравковиќ, која се одбележува на 30 септември, јавноста се потсетува на неговиот раскошен живот, во кој се женеше четири пати и доби две деца. Од првиот брак со Олгица ја доби ќерката Жаклина, додека од сопругата Гордана го има синот Александар.
Бракот на Тома со Олгица траеше кратко, а Жаклина денес живее во Холандија и многу ретко се појавува пред камерите. Сепак, таа со многу емоции се присетува на својот славен татко:
„Живееш со фактот дека тој е дел од тебе, дека постои во мене, во мојот брат, во песните и во сите оние луѓе на кои им подари убави чувства“.
Покрај спомените на ќерката, вдовицата на Тома, Гордана, ја откри и долго чуваната тајна за неговиот однос со Силвана Арменулиќ. Иако многумина мислеа спротивно, тој никогаш не бил заљубен во Силвана — таа му била најдобра пријателка, а неговата вистинска и голема љубов била нејзината сестра Мирјана.
