Турскиот претседател Реџеп Таип Ердоган следната недела има намера да разговара со рускиот и украинскиот претседател Владимир Путин и Володимир Зеленски, а ќе разговараат за ситуацијата во Украина, известува руската агенција Тасс.
Ердоган додаде дека има намера да го реши прашањето за „житниот коридор“ – безбеден извоз на жито од Украина.
„Во тек е војна меѓу Украина и Русија и знаеме дека земјоделските производи во голема мера доаѓаат од овие земји“, рече тој. „Во оваа фаза немаме проблеми со ова, имаме 5 милиони тони жито во нашите магацини, но би сакале да ги зголемиме овие количини – додаде тој -. Ќе учествуваме во работата за создавање безбеден коридор за пратките на земјоделски производи, „не само за нас, туку и за другите земји“.
Според турскиот лидер, „преговорите се во тек“ и „во следната недела ќе разговараме за чекорите кои може да се преземат, со Зеленски и Путин“, пренесува новинската агенција Анса.
