Пејачката Емина Јаховиќ од бракот со поранешниот сопруг Мустафа Сандал ги има синовите Јаман и Јавуз. Таа никогаш не ја криела силната поврзаност со наследниците, а неодамна искрено проговори за постариот син и неговиот љубовен живот.
„Јаман многу се грижи за мене. Скоро не можеше да ме добие на телефон, па се јавувал на мојот менаџер и на другарка ми да праша дали сум добро. Кога е кај татко му за викенд, ми се јавува да праша дали сум јадела и дали ми треба нешто да ми порача… Многу е внимателен. Има девојка веќе две години и гледам дека е многу нежен и кон неа“, раскажала Емина, откривајќи какво мислење има за својата снаа.
„Скоро ми рече дека ќе бидам катастрофална свекрва, бидејќи сум перфекционист. Но навистина не е така, сè уште не сум во таа ‘свекрва фаза’. Сепак, сакам моето дете да има слобода да избере само. Не сакам да се мешам, а ако некогаш биде повреден – така треба, тоа е дел од животот. Не можам да го заштитам од сè, ниту да му ја одземам слободата. Многу ја сакам неговата девојка, често е кај нас, слатка е и мила. Многу се разликува од мене. Обично велат дека синовите бираат девојки што наликуваат на нивните мајки, но кај Јаман тоа не важи.“
