По концертот на Градското пливалиште во Струга, Елена Ристеска сподели фотографии и видеа на социјалните мрежи и откри дел од атмосферата.
На една од фотографиите се гледа како пејачката пее заедно со нејзината внука Делфина, ќерка на нејзината сестра Драгица. Кога малата Делфина се качи на сцената, ги освои симпатиите на присутните.
„Уште некоја фотка и видео од незаборавниот концерт во Пливалиште Струга. Мојата внука и јас, си пееме. Атмосферата. Си добив и подарок од моја обожавателка. За жал не се гледа на сликите колку многу луѓе имаше. Транс“, напиша Ристеска.
Елена не го криеше воодушевувањето ниту од публиката, ниту од својот бенд, а откри и дека добила подарок од долгогодишна обожавателка.
