Ела Дворник на својот Инстаграм профил се осврна на тоа како изгледал нејзиниот живот пред неколку години и како тоа се одразило врз неа. Фотографиите од неодамнешното минато што ги пронашла во својот мобилен телефон ја освестиле за некои работи и ја шокирале, за што напиша емотивна објава.
„Баш размислувам за минатиот живот бидејќи ми се затвора тој кармички циклус. Се потсетувам на сите луѓе на кои им се прилагодував за да ги разберам и колку сето тоа тогаш ужасно ме заморуваше. Вчера ги гледав моите слики во мобилниот и на некои лицето ми е толку искривено што ми се чинеше како навистина физички да ми се менувало поради односите со другите луѓе. Една слика буквално ме шокираше бидејќи не можев да поверувам дека сум јас. Како некоја вештачка интелигенција да направила стравична верзија од мене“, напиша Ела.
View this post on Instagram
Таа додаде дека со текот на годините изгледала сè постара и постара, иако тогаш била многу помлада отколку сега. Се присетила и на коментарите дека порано била „посимпатична“.
„Дури вчера ми светна што точно значи тоа. Јас во тој миг тоа го сфатив како критика, а заборавив дека луѓето најмногу го сакаат сопствениот одраз. Кога ќе видат дека правиш голема, ‘опасна’ промена, ќе ја бараат верзијата од тебе од минатото која им нудела стабилна и сигурна слика за твојот идентитет, но и за нивниот“, објасни таа.
Ела заклучи дека низ годините голтала зборови за да не изгледа чудна и одбивала прилики поради други луѓе.
„Искрено се надевам дека повеќе никогаш во животот нема да бидам ‘симпатична како порано’“, порача таа.
Во коментарите доби голема поддршка од нејзините следбеници кои напишаа дека целосно се пронаоѓаат во нејзините зборови и дека најважно е човек да остане автентичен и свој, дури и ако за другите е „чуден“.
