Односот меѓу Мина Костиќ и нејзиниот партнер Каспер предизвика бројни реакции во јавноста, а неодамна пејачката Зорица Марковиќ во интервју го коментираше овој пар. Таа за Каспер немаше ниту еден убав збор.
Зорица изјави дека вереникот на Мина не ѝ влева доверба и дека својата колешка ја смета за многу наивна.
„Мина е секогаш некаде тука, а никаде ја нема. Одамна нема снимено ништо, а е убава жена и убаво пее. Мене овој човек не ми се допаѓа, неговото лице нешто ми зборува. Нека е жив и здрав, им посакувам среќа ако се заљубени, но неговото лице ми е многу чудно, ледено… не знам, предизвикува нелагодност во мене. Тој доминира во сите емисии“, изјави Зорица за Каспер.
Таа изрази сомнеж во искреноста на нивната врска, вели дека нешто не е како што треба, па се надворза:
„Им посакувам да го остварат тоа што го замислиле, но не верувам многу во тоа. Ако сакаш една жена, зошто би се враќал некаде? Не знам дали Мина го знае неговиот вистински статус, можеби има жена, деца… Жал ми е, Мина е добар човек, но многу е наивна. Се надевам дека нема повторно да доживее дебакл“, заклучи пејачката.
Зорица имала несреќни љубови
Потсетуваме, Зорица во една прилика откри дека двајцата сопрузи ја изневериле.
„Првиот маж ме изневери само еднаш и никогаш повеќе, а вториот повеќепати. Еднаш го фатив и тоа беше крајот. Тогаш ја издавав дијамантската плоча, сè одеше одлично во кариерата. Не можам да кажам дека не го сакав, но не можев да му простам. По завршувањето на една промоција, полна со цвеќиња и подароци, отидов дома, но ѓаволот не ми даваше мир и ја открив измамата“, раскажа претходно Марковиќ.
