Лидија Кочовска сподели слика од неа во издание во какво што не сме навикнати да ја гледаме.
На фотографијата настаната во 2024 година, Лидија изгледа беспрекорно, со црвена коса и впечатлива шминка која ги истакнува нејзините светли очи.
Иако избра да се повлече од фестивалските сцени, сметајќи дека тие веќе не го негуваат квалитетот што таа го има, Лидија останува миленичка на публиката која израсна со нејзините евергрини како „Што те нема“, „Ти си тој“, „Доволно луд“ и други.
Во емотивна објава на социјалните мрежи, пејачката со ангелски глас отворено проговори за сериозните здравствени проблеми со кои се соочува изминатиов период.
Лидија, која секогаш важела за личност без „влакна на јазикот“, откри дека веќе извесно време се бори со дијабетес, состојба која довела до сериозно оштетување на нејзиниот вид. Како што самата призна, на едното око гледа само со мал процент од капацитетот, но тоа не ја спречува да остане позитивна.
„Јас јадам кога сум под стрес, утеха наоѓам во храната“, искрено сподели Кочовска. Таа е редовно активна во хорот на Националната опера и балет. Како ќерка на легендарните Невена и Панче Кочовски од ансамблот „Мањифико“, таа со гордост го носи музичкото наследство.
