Пејачот Милан Станковиќ во најголема тајност подготвува враќање на музичката сцена, кое, според информации од извори блиски до него, се очекува наесен.
Иако во јавноста се шпекулираше дека подготвува албум, засега станува збор за две нови песни – една брза и една емотивна балада, за кои веќе се снимени вокалите. Дел од луѓето кои ги слушнале, тврдат дека имаат потенцијал да станат големи хитови.
Покрај музичкиот камбек, Станковиќ работи и на физичка трансформација. Ангажирал личен тренер и нутриционист, со цел до септември да ја доведе својата форма до максимум, а како што се наведува, планира да симне околу 15 килограми.
Во план се и одредени естетски корекции – липолиза за намалување на масните наслаги, корекција на подбрадокот, како и ботокс за освежување на изгледот.
За новите песни ќе бидат снимени и два високобуџетни спота, кои, според најавите, ќе изгледаат како мини-филмови. Станковиќ веќе преговара со тим кој стои зад некои од најпознатите домашни музички видеа.
И покрај враќањето на музиката, засега не планира концерти ниту медиумски настапи – фокусот му е исклучиво на новите проекти и на тоа да им возврати на фановите за долгогодишната поддршка.
Интересот за неговото враќање не стивнува, а поддршка пристигнува и од колегите. Пејачката Рада Манојловиќ не крие дека е возбудена поради камбекот, додека Весна Змијанац со години го убедувала повторно да се врати на сцената.
Да потсетиме, Станковиќ со години беше повлечен од јавноста, а во меѓувреме се шпекулираше дека размислува и за целосно повлекување од естрадата. Сепак, најновите информации покажуваат дека се подготвува за едно од најголемите изненадувања на регионалната сцена годинава.
