Пејачот Бобан Здравковиќ не се појави на концертот на Александра Пријовиќ како гостин, а откако се појави информација дека ѝ побарал пари, тој откри за што всушност се работи.
За концертната турнеја на Александра Пријовиќ сè уште се зборува. Пејачката, која неодамна се породи, на секој концерт имала специјални гости, а многу колеги од естрадата со задоволство се одзвале на нејзините покани.
Меѓутоа, не и Здравковиќ, кој наводно за гостување на концертот побарал 4.000, за што тогаш медиумите интензивно пишуваа. Пејачот сега во емисијата „Амиџи шоу“ проговори за тој скандал, иако претходно не сакал да зборува кога темата била актуелна.
„Јас не сум побарал пари од неа. Нејзиниот менаџер се јави и се договоривме, што се однесува до датумот, да видиме дали сум слободен. Јас тој ден бев зафатен, морав да го откажам мојот концерт во Бугарија и тогаш, нормално, кажав цена за мојот настап, како што и јас сум плаќал пејачи и пејачки на моите концерти“, објасни Бобан и додаде:
„Многу концерти имам одржано, мислам дека тоа не е никаква сензација, тоа е сосема нормално.“
Инаку, на концертите на Александра Пријовиќ низ целиот регион настапувале многу нејзини колеги, меѓу кои Весна Змијанац, Индира Радиќ, Теа Таировиќ, Јелена Розга, Саша Матиќ, групата Ѓогани, Лепа Брена, Лексингтон бенд, Осман Хаџиќ, Ал Дино и многу други.
