Познатата американска глумица досега ги освои сите награди што можат да се освојат. Лесно поминува од улога во улога, а и на црвениот тепих секогаш се појавува со добар избор на модни комбинации.
Но, на Џулиен во животот секогаш не ѝ било лесно. Во раните триесетти се чувствувала изгубено. Нејзината кариера напредувала, но приватниот живот ѝ бил во криза.
„Бев осамена. Не мислам дека бев среќна. Немав личен живот каков што сакав. Дваесеттите ги поминав во трка по кариера, а всушност сакав семејство“, се присетува Мур.
Не знаејќи што да прави, Џулиен се свртела кон психотерапијата.
„Тогаш сфатив дека приватниот живот ми е поважен од кариерата. Ако сакате да најдете партнер и да се омажите, да родите деца, не смеете да чекате, мора да делувате. Тоа ви е исто како и кариерата. Ако сакате да напредувате во кариерата, мора вредно да работите и да се трудите“, рекла Џулиен.
Кога го сфатила овој факт, Џулиен зборувала дека не верува во Бог, туку во добра психотерапија. Кога на терапијата се „открила себеси“, сè во животот ѝ тргнало на подобро.
Во брак е веќе 22 години и има две деца.
