Во 2003 година, ѕвездите, сега среќни во брак, се збогуваа по две години врска на чекор од венчавката. И сега Џеј Ло., во интервју за Apple Music, потсетувајќи се на тој период, призна: „Поништувањето на нашиот брак беше најголемата болка во мојот живот“.
Веќе неколку месеци Џенифер Лопез и Бен Афлек – по флешбекот што го воодушеви целиот свет – се маж и жена. Двете ѕвезди двапати си кажаа „да“. Прво, минатиот јули, со тајна венчавка во Лас Вегас. Потоа, во август, со голема помпа на имотот Афлек во Рајсборо, Џорџија. Токму таму Бен и Џеј Ло требаше да се венчаат во 2003 година по две години врска. Но, во последен момент сето тоа пропадна.
Озборувањата секогаш тврдеа дека Џенифер излезе „уништена“ од раскинувањето. Сега откриваме дека гласините одговараат на вистината. Бидејќи самата поп-ѕвезда, во интервју со Зејн Лоу од Apple Music реализирано по повод објавувањето на нејзиниот нов албум „Тоа сум јас… Сега“, призна дека тогашното поништување на нивниот брак, пред дваесет години, било „најголемата болка во мојот живот. Искрено се чувствував како да умрам“.
Џенифер во новото интервју зборуваше и за почетоците на нивната љубов. Двајцата се запознаа во 2001 година на снимањето на филмот Gigli. Но, тоа не беше љубов на прв поглед: „Работејќи заедно, станавме многу добри пријатели. Дури подоцна сфативме дека сме луди еден по друг. Се најдов себеси како размислувам за него и по завршувањето на филмот. Но, морав да се грижам за мојата работа“. Свршувачката официјално ја објавија во 2002 година, кога поп-ѕвездата сè уште беше зафатена со документите за развод од нејзиниот втор сопруг, танчерот Крис Џад.
Во 2003 година, кога се беше подготвено за венчавката, ѕвездите го шокираа светот со ненадејно и неочекувано збогување. За причината во сите овие години никогаш не дадоа објаснувања. Но, сега Џен, зборувајќи со Зејн Лоу, објасни дека раскинувањето делумно зависело од притисокот на медиумите, од непрестајното внимание на новинарите и фотографите: „Дел од она што нè уништи како двојка дојде токму од надворешната енергија“.
Џенифер и Бен повторно се обединија во пролетта 2021 година. Во тоа време и двајцата беа сингл. Тој, разделен од Џенифер Гарнер, мајка на неговите три деца Виолет, Серафина и Семјуел, а се раздели со најновата девојка Ана де Армас неколку месеци претходно. Таа, зад себе имаше три неуспешни брака – со кубанскиот келнер Ојани Ноа; со танчерот Крис Џад; и со колегата Марк Ентони од кој ги имаше близнаците Еме и Макс – во март 2021 година раскина со нејзиниот свршеник број четири, Алекс Родригез. Останатото е историја: дваесет години по збогувањето, дојде време за среќен крај за Бен и Џенифер, крунисани со двојна венчавка. И сега, според Лопез, ништо нема да може да ја уништо оваа голема љубов:
„Сега јас и Бен не велиме: „Ајде да видиме како ќе биде“. Не. Сега е: „Тоа сме ти и јас. Тоа е се. До крајот”.
