Враќањето на Бенифер 18 години по завршувањето на врската ги возбуди фановите и пејачката објасни зошто решиле во тоа време да раскинат.
По повод објавувањето на филмот „Омажи се за мене“ (Marry Me) на големото платно, Џенифер Лопез зборуваше за враќањето на пламенот со Бен Афлек и пред се за причините за нивното раскинување во 2004 година. Двојката помина две години заедно, пред да се разделат, а нивното повторно обединување се случи неодамна на задоволство на нивните обожаватели.
Во раните 2000-ти, и Џенифер и Бен беа на врвот на нивните кариери и двајцата имаа живот кој е во центарот на вниманието, а се тоа на крајот ја уништи нивната врска.
„Тоа беше брутално во тоа време. Јас и Бен бевме толку заљубени, тоа беше еден од најсреќните моменти во мојот живот “, призна пејачката за списанието „Ролинг Стоун“. „Често бевме критикувани и тоа навистина ја уништи нашата врска одвнатре, затоа што едноставно бевме премногу млади за да разбереме во тој момент кои навистина се најважните работи во животот“.
Во текот на сите овие години, и двајцата имаа други партнери и деца. Нивното обединување дојде во време кога и двајцата беа сингл: Џенифер, на пример, тогаш имаше раскинато „свежо“со бејзбол играчот Алекс Родригез, со кој штотуку го пропушти бракот поради наводно предавство од негова него. Бен пак, беше во среќен брак со колешката Џенифер Гарнер, со која имаше три деца, до раскинувањето во 2018 година.
Нивниот флешбек беше дефиниран од самата Џеј Ло како „ретка“ и „света“ случка, нагласувајќи како и двајцата пораснале и се промениле на подобро, како и дека е благодарна за оваа неочекувана втора шанса:
„Ние сме многу среќни. Начинот на кој го штитиме она што го имаме и начинот на кој ги живееме нашите животи – што да споделиме, што да не споделуваме – е рамнотежата што ја имаме сега, придобивка од искуството и мудроста што ги стекнавме низ годините“, изјави пејачката и додаде: „Навистина сум среќна, веројатно посреќна отколку што сум била во целиот мој живот. Секогаш се трудам да живеам со благодарност. Но, денес, пред сè, ако ме прашате која е мојата прва мисла, тоа е: „Ти благодарам, Боже, за овој ден. Ти благодарам за мојот живот“.
