Џастин Бибер се најде на мета на критики по настапот на фестивалот Коачела 2026, кој некои го нарекоа еден од најлошите во историјата на фестивалот.
Неговото враќање на сцената во саботата, на 11 април, предизвика бурни расправи на интернет, особено поради наводниот хонорар од 10 милиони долари (околу 8,5 милиони евра).
Обожавателите со нетрпение го очекуваа неговото враќање и хитовите како „Never Say Never“, „Stay“ и „Baby“. Иако пејачот исполнил дел од тие очекувања, начинот на кој го извел настапот не бил баш вообичаен, пишува Mirror.
На сцената се појави во лежерно издание, во кратки панталони, дуксер со качулка и очила за сонце, а голем дел од настапот го помина во необична интеракција со публиката. Бибер, имено, настапот го пренесуваше во живо, во чет бараше од фановите да предложат која песна сакаат да ја слушнат следна, а во меѓувреме се шегуваше на сопствена сметка пуштајќи популарни мемиња за себе.
Токму таквиот настап, без танчери и без вообичаената енергија на сцената, им пречеше на дел од публиката, особено кога ќе се земе предвид сумата што наводно ја добил. Според пишувањата на „Дејли мејл“, станува збор за 10 милиони долари, што, како што наведува „Фајненшл експрес“, го прави најплатениот изведувач во историјата на Коачела, дури и поплатен од Бијонсе.
Наместо да ги пее своите стари хитови, пејачот од лаптоп пушташе спотови од YouTube, што го отвори прашањето зошто го направил тоа.
Продажба на правата како можна причина
Џастин Бибер наводно не можел да ги изведува своите стари песни во живо бидејќи во 2022 година го продал целиот свој музички каталог и повеќе не ги поседува правата на нив. Тогаш 32-годишниот пејач во декември 2022 ги продал сите свои изданија објавени пред 31 септември 2021 на компанијата Hipgnosis Songs Capital за неверојатни 200 милиони долари.
Договорот ги опфатил издавачките права за неговиот комплетен каталог од 290 песни, како и неговиот удел во оригиналните мастер-снимки. Иако Џастин Бибер не потврди дека тоа е причината за необичниот настап, ваквото објаснување делува логично.
Имено, песните од своите нови албуми „Swag“ и „Swag II“, кои се објавени по продажбата на правата, ги изведе во живо во целост. Од YouTube пушташе исклучиво стари хитови како „Baby“, „Favorite Girl“, „Beauty and a Beat“ и „Never Say Never“, пеејќи само делумно на одредени делови.
Корисниците на социјалните мрежи не штедеа зборови.
„Зар Џастин навистина дојде како хедлајнер на Коачела само со микрофон и MacBook?“, праша еден корисник. Друг додаде: „Џастин Бибер буквално донесе лаптоп на Коачела, вклучи YouTube чет и фановите му избираат песни.“
Еден коментар гласеше: „100.000 луѓе платија да гледаат човек како пребарува по сопствениот канал.“ Некои отидоа и чекор подалеку, па настапот го прогласија за најлош досега: „Џастин Бибер успеа во невозможното… од местото најлош настап во историјата на Коачела го симна Кетсеј.“
Од друга страна, многумина застанаа во одбрана на Бибер и порачаа дека неговиот настап бил искрен и интимен.
„Со години не настапуваше поради болест и голем ментален притисок. Самиот факт што е на сцена и што и понатаму звучи одлично во живо е сè што посакувавме и сè што ни треба. Тоа е чудесно. Ако сакате спектакл, одете во циркус“, напиша еден обожавател.
View this post on Instagram
