Поранешниот сопруг на Северина, Игор Којиќ и убавата српска глумица Теодора Бјелица се нов пар кој го привлекува вниманието на јавноста, а сега се објавени и детали од нивната љубовна врска.
– По разводот Игор не ни размислуваше за љубов. Можеби ниту една друга девојка не го привлекла толку многу за да се заинтересира како за Теодора. Само кога ќе ги погледнеме од страна, ќе видиме дека се навистина среќни. Иако се само на почетокот на врската, функционираат како да се познаваат многу подолго. Целосно се препуштени на моментот, не ја симнуваат насмевката од лицето кога се заедно, отворено зборуваат за се. Тој буквално „одлепи“ по неа – изјавил извор близок на Игор за српски Блиц.
Игор и Теодора моментално уживаат на Копаоник, а биле видени заедно на повеќе места, како и во ресторан.
– Некако „кликнаа“ на прва, што се вели. Се разбираат и меѓу нив нема кавги. Сложни се и се оди многу глатко засега. Ова е нивниот прв заеднички одмор, каде поминуваат 24 часа заедно и таму се најдобро се гледа. Игор не штедеше пари за да ѝ угоди на Теодора. Зеде хотел во кој ноќевање чини повеќе од 300 евра. Веројатно само за сместување ќе искешира околу 3.000 евра, додека не штеди ни кога е забавата во прашање – додава изворот.
Теодора ја сметаат за една од најубавите српски глумици. А Игор претходно беше во брак со Северина.
