Генералниот секретар на ОН Антонио Гутереш денеска ќе се сретне со украинскиот претседател Володимир Зеленски и турскиот претседател Реџеп Таип Ердоган во Лавов, западна Украина.
Средбата има за цел да се разговара за ситуацијата во земјата речиси шест месеци по руската инвазија.
Тројцата ќе разговараат за неодамнешниот договор за извоз на украински житарки, но и за „потребата од политичко решение на конфликтот“, изјави портпаролот на ОН Стефан Дујарик.
„Не се сомневам дека ќе се разговара и за прашањето за нуклеарната централа Запорожје“, додаде тој.
