Четворицата тинејџери уживале во прошетка на калифорниското сонце.
Пакс (19), Захара (18), Шајло (17) и Нокс (14) беа фотографирани додека одат во кафето Мару на ладни пијалоци во Лос Фелиз, пишува PageSix.
Шајло во едната рака држеше леден чај, а во другата ледено кафе, облечена во црвена качулка од Stüssy, црни тексас шорцеви и црни високи патики Converse.
Пакс и Нокс беа идентично облечени во маици и темни панталони, иако постариот брат носеше привезок во форма на вонземјанин и очила за сонце. Захара пак, остана дискретна во црн дуксер со качулка, сини фармерки, а лицето го покри со црна маска.
Другите две деца на поранешната ѕвездена двојка, 21-годишниот Медокс и 14-годишната Вивиен, не беа видени на семејното излегување.
Пит (59) и Џоли (48) заедно одгледаа шест деца додека не се разделија во 2016 година по 12 години брак. Американската актерка поднела барање за развод неколку дена откако Бред наводно се скарал со неа и нивните деца во приватен авион. Пит беше обвинет дека го „гушел и удрил“ нивниот син Медокс на летот од Франција до САД, иако против него никогаш не било покренато обвинение. Ѕвездата ги негираше обвинувањата.
