Новата епизода од популарното музичко шоу „Ѕвездите на Гранд“ донесе изненадувачка расправија меѓу членовите на жирито, што дополнително ја зачини веќе возбудливата атмосфера на натпреварот. Сања Вучиќ, позната по својот заштитнички став кон натпреварувачите, влезе во вербален конфликт со Дара Бубамара.
Судирот настанал кога Сања детално ѝ укажувала на една натпреварувачка на грешките во пеењето, што Дара го доживеала како претерана критика, што ги подигнало тензиите.
Во еден момент, Сања изразила загриженост за гласот на натпреварувачката, спомнувајќи можност за појава на полипи.
„Страв ми е за нејзиниот глас. Се случува, полипот е многу опасна работа и треба да се внимава“, рече Сања, но веднаш се надоврза Кеба.
Драган Којиќ Кеба се обидел да ги смири страстите и ја прекинал Вучиќ алудирајќи дека не е стручна за медицински процени.
Тензијата брзо се смирила, а пејачките повторно се посветиле на својата работа.
