Пејачот Марко Маринковиќ познат како Слаткаристика, во интервју за „Слободен печат“ открива дека планира да почне да произведува слатки.
„Ми рекоа дека јас сум најпознатиот слаткар во Европа, луѓе мои тоа е шокантна вест со оглед на тоа што јас во суштина и не сум слаткар. Криво ми е што досега не сум си направил свој бренд за слатки, но не е доцна“, вели тој во интервјуто.
Во ова гостување тој зборува и за сите сопки коишто ги имал уште од почетокот на кариерата, а и за тоа дека е навикнат на лошите коментари. Се присетува дека дури и првиот концерт за малку ќе му го откажеле, бидејќи имало петиција, како што вели, се собирале потписи.
Пред извесно време Слаткар одново беше жртва на критики, откако јавноста дозна дека Агенција за филм ќе го финанасира филмот за него, поточно за неговата животна битка со пелтечењето. Раперот по силниот притисок се откажа од парите.
