Луна Ѓогани и нејзиниот сопруг Марко Миљковиќ моментално престојуваат на Малдиви, каде што заминаа на одмор, но нивното враќање во Србија засега е неизвесно поради нарушувањата во меѓународниот авио-сообраќај.
Поради ескалацијата на тензиите меѓу Иран и Соединетите Американски Држави, како и дополнителните безбедносни ризици во регионот во кој е вклучен и Израел, привремено е затворен дел од воздушниот простор над Обединетите Арапски Емирати. Како последица на тоа, повеќе меѓународни летови се откажани или одложени.
Луна се огласи преку социјалните мрежи и информираше дека се во ред, но чекаат дополнителни информации за летовите.
„Сѐ е во ред со нас. Ние сме на Малдиви и чекаме информации како и сите останати“, напиша таа на Инстаграм.
Во слична ситуација се најде и Дадо Полумента, кој исто така престојува на Малдиви со сопругата Ивона, која е во шестиот месец од бременоста, и нивните ќерки. Нивниот лет преку Дубаи бил откажан поради безбедносната состојба и промените во авио-сообраќајот.
Полумента изјави дека семејството е безбедно, но дека со трпение очекуваат можност за сигурно враќање дома. Освен нив, на Малдиви во моментов се наоѓаат и Дарко Лазиќ со семејството, како и Слоба Радановиќ, кои исто така се соочуваат со одложени летови.
