Силвија Ѓогани, ќерка на Ѓоле Ѓогани и Слаѓа Делибашиќ, се огласи од Дубаи откако откри дека поради актуелните безбедносни случувања била евакуирана од станот во кој живее со својата ќерка. Таа на социјалните мрежи објави фотографија на која се гледа како го чита 69. псалм од Стариот завет, испраќајќи силна порака на вера и надеж.
Во објавата таа сподели стихови со кои му се обраќа на Бога: „Боже, побрзај да ме избавиш, Господи, побрзај да ми помогнеш… Ти си помош моја и избавител мој; Господи, не доцни“.
Претходно изјави дека во Дубаи Марина се слушале експлозии и дека ситуацијата била вознемирувачка, особено бидејќи станува збор за туристичка зона преполна со луѓе. Сепак, нагласи дека нејзината ќерка не покажала страв и дека се трудела да не ја пренесува паниката. Подоцна потврди дека и двете се безбедни, но евакуирани.
По повод случувањата се огласи и нејзината прва братучетка Луна Ѓогани, која со сопругот Марко Миљковиќ моментално престојува на Малдиви. Таа информираше дека семејството е добро, но дека поради тензиите на Блискиот Исток чекаат дополнителни информации за враќањето во Србија.
„Сè е во ред со нас. Чекаме развој на ситуацијата“, напиша таа.
