Американската пејачка Бритни Спирс на својот инстаграм-профил објави ново видео во кое открива дека си ја „скратила целата коса“.
На видеото се гледа како Спирс се бања облечена само во долен дел од бикини и розов шешир, а со рацете ги покрива голите гради.
-Ја скратив целата коса, но сè уште не сакам да ви ја покажам, напиша таа во описот на видеото.
Пејачката моментално е на одмор со нејзиниот трет сопруг Сем Асгари на хавајскиот остров Мауи.
View this post on Instagram
Да потсетиме, Спирс си ја избричи главата во февруари 2007 година во еден фризерски салон, а само ден подоцна беше примена во центар за рехабилитација на Карибите. Од таму се одјави по неколку часа, но потоа беше примена во друг центар за рехабилитација во Малибу.
-Тоа беше многу, многу лош период во мојот живот. Поминував низ толку многу лоши работи со моите деца и со Кевин (Федерлајн), објасни Спирс една година подоцна во специјалната емисија на Ем-Ти-Ви „Britney: For The Record“.
-Тој штотуку ме остави и бев уништена. Луѓето почнаа да мислат дека се дрогирам. Некои мислеа дека ќе полудам и слични работи. Луѓето постојано си ги бричат главите, знаете?
Но, јас поминував низ сешто, а тоа беше, на некој начин, како еден вид бунт или чувство на слобода или неприфаќање на работите што се случија. Имам навистина добри денови, а потоа имам лоши денови. Понекогаш сето тоа е премногу за мене. Никој не може да се справи со такви работи, рече таа.
Документарниот филм на Фил Грифин „ Britney: For The Record“ е снимен додека пејачката сè уште беше под 13-годишно старателство на нејзиниот татко Џејми Спирс, што конечно заврши во ноември минатата година.
View this post on Instagram
