Вистинска драма се одвива во семејството Надал. Познатиот тенисер е во очај, бидејќи неговата сопруга Марија Чиска Перељо е итно примена во болница, во 31-та недела од бременоста.
‼Mery Perelló, ingresada en una clínica de Palma
➡Embarazada de 31 semanas, la mujer de Rafa Nadal podría someterse a una intervención en las próximas horashttps://t.co/z8JpVeyKAS
— El Periódico (@elperiodico) August 24, 2022
Информациите кои доаѓаат од Шпанија за здравствената состојба на сопругата на Рафаел Надал се оскудни и нецелосни. Како што пренесува „Ел Периодико“, лекарите од приватната клиника во Палма де Мајорка моментално ја држат Чиска под опсервација за да избегнат компликации.
Чиска, која е во поодмината бременост, според препораката на лекарот треба итно да се оперира.
Таа беше примена на клиниката во понеделникот, во придружба на нејзините родители, како и сестрата на Надал, Марибел, која е нејзина најдобра пријателка.
Рафаел Надал не е во Шпанија, бидејќи моментално е во САД каде се подготвува за УС Опен. Според пишувањата на шпанските медиуми, тој е во постојан телефонски контакт со сопругата и членовите на семејството.
