Пејачката Милица Тодоровиќ минатата недела стана мајка и на свет го донесе синот Богдан, по што веста брзо се прошири низ медиумите. Меѓу првите што ѝ честитаа беше и нејзината колешка и имењачка, Милица Павловиќ.
Сепак, токму таа откри една симпатична анегдота поврзана со честитките. Како што раскажа, колегата Бобан Рајовиќ ненамерно ги помешал двете пејачки и ѝ честитал раѓање дете – но на погрешната Милица.
– За да ве насмеам малку: денот по породувањето на Милица, тргнав на пилатес и ми стигна порака од Бобан. Ми пишува: „Миле моја, честито раѓање дете, да сте живи и здрави“. Се смеев додека одев и се прашував дали го утнал профилот – раскажа Милица Павловиќ.
Таа му одговорила со гласовна порака и му појаснила дека сè уште не е мајка, на што Бобан со насмевка признал: „Која будала сум јас“.
– Преслатка ситуација. Бобан е многу шармантен, а јас секогаш кога ќе се спомне Милица Тодоровиќ и бебето, ќе се сетам на ова – додаде Павловиќ.
