Британскиот пејач Били Ајдол ја доби својата ѕвезда на Булеварот на славните во Холивуд.
Досега ваква почит добија 2.743 познати јавни личности.
„Навистина е лудо да се сфати дека добивам ваква награда. Едноставно, вакво нешто никогаш не можев да замислам“, изјави Ајдол.
Славниот пејач досега има продадено повеќе од 40 милиони албуми ширум светот и беше една од првите ѕвезди на MTV во 1980-тите.
Кариерата ја започнува во 70-тите години како гитарист, а потоа започнува соло кариера во која следуваат многу хитови како „White Wedding“, „Dancing with Myself“, „Rebel Yell“ и други.
