Бакингемската палата го објави планот за прослави во врска со крунисувањето на Чарлс Трети.
Се предвидува прославите да се одржат од 6 до 8 мај, а на инсистирање на Чарлс III празникот на крунисување ќе биде категорично скромен – причината е тешката економска ситуација во Британија.
Прославата ќе опфати настап на оркестри на тревникот на замокот Виндзор, две свечени поворки, појавување на членовите на кралското семејство на балконот на кралската резиденција во Лондон, како и ласерски шоуа.
Покрај тоа, на барање на кралот ќе се намали речиси на половина времетраењето на традиционалниот тричасовен ритуал на крунисување во Вестминстерската опатија, како и бројот на гости – овој пат на церемонијата наместо осум илјади лично ќе присуствуваат две илјади луѓе – толкав број на гости беше на крунисувањето на Елизабета Втора во 1953 година.
