Австралиската либерална сенаторка Холи Хјуз ја обвини Меган Маркл дека има „лошо влијание“ врз принцот Хари и изрази уверување дека еден ден Хари ќе зажали за одлуките што ги донел во последните години.
„Тие се ужасни, одвратни луѓе. Ми се гади од двајцата. Мислам дека Хари направи ужасна грешка и мислам дека Меган има страшно влијание врз него. Меган Маркл е страшна личност. Еден ден Хари ќе зажали што се ожени со неа и што ја прекина врската со кралското семејство“, смета сенаторката говорејќи за Скај њуз.
Сенаторката Хјуз додаде дека е изненадена од бројот на покани што војводата и војвотката од Сасекс ги добиле за официјални настани поврзани со погребот на Елизабета Втора, пренесува „дејли меил“.
