Поранешниот хрватски претседател Стипе Месиќ во телевизиска емисија посветена на британската кралица која денеска ќе биде погребана во Лондон откри интересен детал од неговата средба со Елизабета Втора.
– Кога разговараше со мене кралицата Елизабета Втора, не ја интересираше многу Хрватска, зборуваше за Југославија, ја интересираше од прва рака, зошто Југославија се распаднала. Јас ѝ кажав дека можеше да се распадне и на друг начин, но оние на кои тоа не им се допадна, кои сакаа да ги прошират границите, Туѓман и Милошевиќ, не ја прифатија конфедерацијата, вели Месиќ.
Кралицата Елизабета, додаде тој, беше симбол на империјата Велика Британија, која некогаш имала многу голема моќ.
-Таа беше владетел што не носеше одлуки, не учествуваше во активната политика на Велика Британија, како симбол беше авторитет. Таа го даваше своето мислење за многу работи, вели Месиќ.
